Graduation Parties!! - حفلات التخرج!!

وسسساهلين صبايا❤️

قلتلكم في انستا اني حسويلكم موضوع عن التجهيز لحفلات التخرج و كدا

بالذات انه حاليا بنجهز لحفلة فحبيت افيدكم.. لاني بحثت في هادا الموضوع..

راح اقسم الموضوع لنقاط:-

١- المكان

في قاعة؟ ولا في استراحة؟ ولا في البيت؟

في اي حالة.. لازم تحصري عدد المعازيم و تحجزي الطاولات و الكراسي 

٢- الدعوة

ماعرف اذا حابين تطبعوها ككروت و توزعوها.. ولا حترسلوها عالواتس اب..

لكن في الحالتين في كروت جاهزة مليانة في النت تقدرو تدورو عليها..

النقاط المهم انك تذكريها في الكرت:

اسم المتخرجة- سنة التخرج- تاريخ الحفلة-المكان و عنوانه

٣- الديكورات

و هادي ما اقدر افصلكم فيها لان كل وحدة و ذوقها 

٤- البلونات و الورود

نفس الشي.. شوفو الالوان المناسبة لتصميمك و كدا

٥- الاكل

سواءا العشا او الضيافات.. حاولي تفكري في الاصناف الي حترضي جنيع المدعوين

مثلا اذا كانت حفلة تخرج ابتدائي فاكيد حيكون فيها اطفال.. ولازم تراعي دا الشي.. مثلا تجيبي للاطفال بيتزا و الامهات مشاوي 

و زي كدا..

٦- التصوير

٧- التسلية

بما انك مسوية حفلة فلازم تتكفلي بطرق تسلية للحاضرين..

مثلا: مكينة فشار، مكينة نافورة الشوكلاتة،كريوكي،دي جي،فوتوبوث"ركن التصوير" سلايد شوف

٨-بطاقات شكر

٩- لوحة او كتاب يكتبولك فيه معازيمك 

١٠- الكيكة 

وبس كدا.. هادي النقاط المهمة لحفلة تخرج ناجحة.. ان شالله اكون افدتكم..

Sleek Blushes Review

#mbeauty_review
Sleek Blushes Review
ريفيو لبلشرات سليك
اهلا بنات..
عندي لكم ريفيو لبلشرات سليك.. ازا وحدة منكم تبا تشتري و مترددة ان شالله يفيدكم البوست
اول شي سليك ماركة مكياج كانت متوفرة في بريطانيا و سارت متوفرة عندنا في السعودية في صيدلية وايتس..
مشهورة بجودة منتجاتها العالية جدا و سعرها المناسب..
💖
طيب نتكلم عن البلشرات بشكل عام:-
1) تعليب البلشرات جدا انيق و مميز و نظيف
2) المنتج ينفع انك تتنقلي فيه سواءا سفر او في شنطتك بسبب صغر حجمه و انه يتقفل كويس محاينفتح و ينعدم و يعدملك الدنيا
3) كمية المنتج كبيرة جدا.. فيه 8 قرام من المنتج
بينما بلشرات ماك الي اسعارها في حدود 120 و كل مالها بترتفع فيها 6 قرام من المنتج..
و الصراحة نفس الجودة و ان ماكانت سليك افضل..
4) السعر جدا جدا جدا مناسب.. اي احد يقدر يشتريه..
سعره 31 ريال بس.. قارنيه بسعر بلشرات ماك؟ شي ما يتصدق😂
5) فيه نطاق واسع جدا من الالوان.. سليك توفر 11 لون من البلشرات.. يعني اكيد حتﻻقي لون يناسبك و يعجبك..
💖
دحين  اتكلم عن البلشر الي عندي خصوصا و درجته اسمها "sun rise"
1) لونه برونزي على دهبي على احمر.. لونو مميز مرا و ماعمري شفت ماركات عندها نفس اللون
2) ينفع للبشرات الفاتحة جدا و الغامقة جدا.. لانك تقدري تتحكمي في طريقة وضع البلشر و دا الي حتكلم عنو في النقطة الجيا
3) تقدري تستعمليه مخفف ( استعملي stipple brush زي تبع الف )
و تقدري تستعمليه مركز باي فرشة بلشر صغيرة..
4) فيه اضاءة دهبية حلوة مرا يعني منتي مجبرة انك تحطي اضاءة منفصلة.. الا لو انتي حابة دا الشي..
💖
و بس..
اذا عندكم اي اسئلة اتفضلوا..

Sleek Blushes Review

#mbeauty_review
Sleek Blushes Review
ريفيو لبلشرات سليك
اهلا بنات..
عندي لكم ريفيو لبلشرات سليك.. ازا وحدة منكم تبا تشتري و مترددة ان شالله يفيدكم البوست
اول شي سليك ماركة مكياج كانت متوفرة في بريطانيا و سارت متوفرة عندنا في السعودية في صيدلية وايتس..
مشهورة بجودة منتجاتها العالية جدا و سعرها المناسب..
💖
طيب نتكلم عن البلشرات بشكل عام:-
1) تعليب البلشرات جدا انيق و مميز و نظيف
2) المنتج ينفع انك تتنقلي فيه سواءا سفر او في شنطتك بسبب صغر حجمه و انه يتقفل كويس محاينفتح و ينعدم و يعدملك الدنيا
3) كمية المنتج كبيرة جدا.. فيه 8 قرام من المنتج
بينما بلشرات ماك الي اسعارها في حدود 120 و كل مالها بترتفع فيها 6 قرام من المنتج..
و الصراحة نفس الجودة و ان ماكانت سليك افضل..
4) السعر جدا جدا جدا مناسب.. اي احد يقدر يشتريه..
سعره 31 ريال بس.. قارنيه بسعر بلشرات ماك؟ شي ما يتصدق😂
5) فيه نطاق واسع جدا من الالوان.. سليك توفر 11 لون من البلشرات.. يعني اكيد حتﻻقي لون يناسبك و يعجبك..
💖
دحين  اتكلم عن البلشر الي عندي خصوصا و درجته اسمها "sun rise"
1) لونه برونزي على دهبي على احمر.. لونو مميز مرا و ماعمري شفت ماركات عندها نفس اللون
2) ينفع للبشرات الفاتحة جدا و الغامقة جدا.. لانك تقدري تتحكمي في طريقة وضع البلشر و دا الي حتكلم عنو في النقطة الجيا
3) تقدري تستعمليه مخفف ( استعملي stipple brush زي تبع الف )
و تقدري تستعمليه مركز باي فرشة بلشر صغيرة..
4) فيه اضاءة دهبية حلوة مرا يعني منتي مجبرة انك تحطي اضاءة منفصلة.. الا لو انتي حابة دا الشي..
💖
و بس..
اذا عندكم اي اسئلة اتفضلوا..

Bloglovin

<a href="http://www.bloglovin.com/blog/13448801/?claim=nauapyzmuam">Follow my blog with Bloglovin</a>

YSL Rouge Pur Couture Review!

السلام عليكم..
اليوم ان شاءالله عندي لكم ريفيو عن ارواج yve saint laurent الي اختصارها هوا YSL
بالنسبالي احب اشوف ريفيو عن دي الاشياء قبل ما اشتريها بسبب واحد بسيط.. سعرها مو رخيص!
الروج الواحد ب195 ريال في باريس قاليري.. فأكيد أحب اشوف رأي الناس قبل ما اشتريه و -اضيع-فلوسي!
الوان الارواج كتيييييييييييير!! اكتر من 30 لون! في كل الدرجات الي ممكن تتصوروها!
بس انا اخترت 4 و اعتبرتهم البيسكس- لكن مااعرف ليش ما اشتريت احمر و نود ان شاءالله اشتريهم-

من اليمين لليسار ارقامهم:-
*27
*31
*56
*58

السواتش:-

اوكي, نجي لتركيبة الأرواج.. الارواج ثااااابتة لأبعد الحدود.. تركيبتها كريمية إلى مات لكن لو تبغيها مات بكل سهولة جيبي منديل و لصقيه و حتسير مات..
الألوان جدا واضحة و ما يبغالها اي تكرار.. من اول مسحة تبان..

إزا عارفين ارواج واي اس ال اكيد تعرفو انها لها ريحة.. بس ريحة حلوة..
ريحة فيها احساس "luxury" و بما انك دفعتي دا كلو اكيد لازم يكون لكجري ههههه

نجي لتفصيل الألوان الي عندي:-
نبدأ باللون:-
*56
صورة من النت:-

لون اورنج\احمر.. حلو مرا مرا كتغيير و احس يطلع احلى شي عالبشرة الفاتحة..


*58
صورة من النت:-

تقريبا هوا موف مع اندرتون نود, يعني موف 'wearable' تقدري تستعمليه بشكل يومي ازا كنتي جريئة..
من الطرق الي احب استعمل بيها دا الروج هوا اني احط "nyx jumbo pencil in milk" كبيس و احط الروج دا فوقو..
يعطيني نتيجة زي ارواج "lime crime"..

*31
صورة من النت:-

دي الدرجة من درجاتي المفضلة للأرواج.. تعتبر بيري\بلم -توتي-
طبعا مو اي احد يجرؤ انه يحط دي الدرجات.. لكن بالنسبالي اعشق اللون دا..

*27
صورة من النت:-

اقدر اوصف اللون دا بأنه بمبي متوسط.. مو مرا فاتح ولا مرا غامق..
اعتبره من درجات البنك ال"wearable"..

*إيجابيات:-
-كمية الألوان المهولة الي تقدري تختاري منها
-تقدري تتحكمي في تركيبة الروج على شفايفك انها تكون مات او كريمية
-ثباتها قوي جداً و تسيب "stain" على شفايفك
-ريحتها "luxury"

*سلبيات:-
-سعرها غالي
-اسماء او ارقام الارواج مو موجودة عالروج نفسه..

*التقييم:-

-التعليب/المظهر: 5 من 5

-الأداء: 5 من 5

-الرائحة: 5 من 5

-مكان الشراء: 5 من 5

-السعر: 1 من 5

- بشكل عام: 5 من 5

Elf Baked Highlighters Review!

السلام عليكم..
اليوم عندي لكم ريفيو عند اضاءات إلف البيكد او "المطبوخة"
-اول حاجة المنتج عبارة عن بودرة ممكن تستعمليها جافة او رطبة..
المنتج يجي في شكل مقبب.. و حيطول معاكي فترة طويلة.. عشان المنتج جداً كثير جوا..

-شكل التعليب واضح في الصورة..
-وصف المنتج من الموقع و على العلبة:-
Create a radiant glow with this illuminating powder that highlights the skin with a sheer wash of shimmering color .The long-lasting baked shimmering color can be applied wet for a vibrant effect or dry for sheer pigmentation.
يمكن استعمال هذا المنتج لتكوين اشراقه و توهج للبشرة.. يدوم لوقت طويل و يمكن استعماله جاف لتغطية خفيفة او رطب لتقوية واضحة

وبالنسبالي دا كلو ينطبق على المنتج.. كثير نشوف منتجات تنوصف بأشياء مهي موجودة فيها..
لكن دا المنتج يطبق كل شي مكتوب عليه..

-الألوان الي يجي فيها:-
* لون زهري * لون صدفي *لون ابيض مايل على دهبي..

-هل يستاهل انك تشتريه؟ بكل بساطة.. ايوا!
بالنسبالي افضل تركيبته على تركيبة ماك سوفت اند جنتل..
ما اقول انو ماك سوفت اند جنتل مو حلو.. بالعكس.. لكن يناسب وقت معين بس.. السهرات و المناسبات..
اما اضاءات الف تقدري تتحكمي فيها.. تقدري تخليها خفيفة للصباح او قوية للسهرات.. و دا شي يعجبني فيها..
طبعا طريقة التحكم من خلال استعمالها جافة او رطبة...

-سواتشز من النت:-



-إيجابيات:-
*تنوع الألوان.. بالنسبة للإضاءات بشكل عام انه تقدري تختاري من 3 tones حلو مرا..
*السعر جداً معقول
*كمية المنتج جدا كبيرة
*ينفع للإستعمال اليومي او السهرات
*تقدري تستعمليه جاف او رطب
*تقدري تستعمليه كآيشادو

-سلبيات:-
*التعليب سهل الكسر

-مكان الشراء:-
*اونلاين

*التقييم:-

-التعليب/المظهر: 3 من 5

-الأداء: 5 من 5

-الرائحة: عادية..

-مكان الشراء: 2 من 5

-السعر: 5 من 5

- بشكل عام: 5 من 5

A tip for highlighting your face you wont regret reading!

السلام عليكم..
قد حطيتو مكياج و خلصتوا و تعبتوا و بعدين استوعبتوا انو بشرتكم احلى و احسن بكتير بدون ميك اب؟
انا سارتلي كتير..
المسامات تكبر, الحبوب تبرز.. عيوب الوجه بشكل عام تبان و توضح..
و من الأشياء الي تسبب هادا الشي هوا " الهايلايتر " الشيمري " اللامع " ..

انا هوسي في المكياج هوا الهايلايتر.. اعشق البشرة تكون مضيئة و فرش..
لكن اكتشفت انه احيانا ممكن تسوي العكس!
لما تحطي المنتج اللامع فوق عيب من عيوب بشرتك.. " حيبرزه " ..
و نستوحي من انه نحط اللون الفاتح تحت العين عشان يبرز الخدود ..
عشان كدا..
اهتمي ببشرتك.. وحطي الهايلايت في الاماكن الي مافيها مسامات او حبوب..
وبس:)