السلام عليكم و رحمة الله و بركاته..
دحين ابا اتكلم عن المنتجات الي كانت عندي و خلصت..
الصراحة انا ما تحمسني كتير دي المواضيع..
بس بما اني مجمعتها عشان اسويلكم البوست دا.. فحأكتب بإختصار شديد..
يلا نبدأ..
( الترتيب من اليمين لليسار)
*البخاخ الي عاليمين بزيت الزيتون..
جميل مرا و يسهل التمشيط و يدي لمعة حلوة للشعر ويهجده..
ان شاءالله اشتريه في اقرب فرصة..
تلاقوه في محلات التجميل و سعره اظن اظن 35 ريال..
*بعدين برضو بخاخ بزيت الزيتون على شكل سبري..
جميل و يهجد الشعر بس عيبه انو سببلي قشرة..
سعره 10 ريال من محمود سعيد...
*شامبو جونسون للأطفال استعمله لغسيل الفرش.. ما استعمل غيره و ينجزلي المهمة..
ما حسيت انه يضر الفرش بالعكس..
مستحيل افكر اني اشتري منظف الفرش الي من ماك..
*من اليمين جلسرين.. الصراحة ماعرف كيف خلصتو ما اتزكر اني استعملته كتير هههههههههههههههه
* على يساره الحب مرطب نيفيا.. المرطب الوحييييييييييد الي ينفع لبشرتي.. جربت غيره بس دايماُ ارجع لدا.. يمكن اشتريت اكتر من 10 منه والله.. اعتقد سعره 11 ريال..
*المرطب من فازلين.. خفيف و تمتصه البشرة بسهولة.. الريحة مو سيئة.. تعتبر حلوة..
اعتقد سعره 14 ريال..
*الروج من ماكسدونا عاليمين.. لونه جميل مرا.. طبيعييي و كريمي.. و ثابت..
*روج مكياجي.. مات و ثابت و الوانه حلوة.. اشتريت لون تاني منو عشان عجبتني تركيبته..
*اسكنول.. ماعرف الصراحة كيف خلصته برضو ههههههه..
احس انو مرا مرا قوي عالبشرة..بس ماعرف والله..
*الميك اب لوك اند سيل من الف.. عادي.. مهو سحري.. ممكن تستعملي المويا بدالو..
*السبري دا قوي مرا عالشعر.. استعملته لحواجبي بس عشان اخلصه و استعمل واحد تاني..
بس مو بطال..
و أخيراً دي العطور..
و بس:)
ليست هناك تعليقات:
إرسال تعليق