السلام عليكم و رحمة الله و بركاته..
اليوم حوريكم مشترياتي الي اشتريتها دا الأسبوع..
بعضها اشتريتها امس و بعضها اشتريتها خلال الأسبوع كامل..
مشتريات الميك اب نزلتها في انستقرام..
يلا نبدأ..
*اول شي: اشتريت هادا الشامبو و الكونديشنر.. قريت عنو ريفيوز حلوة.. لما رجعت البيت انتبهت اني اشتريت الشامبو مختلف عن البلسم.. ريحته جميييييييييييلة..
الشامبو ب14 دولار يعني تقريباً 52.5 ريال سعودي..
البلسم ب16 دولار يعني 60 ريال سعودي..
*تاني شي: اشتريت دا الشامبو من لوريال.. ماقد جربت اي منتجات منهم فقولت خليني اجربه..
سعره 17 دولار يعني تقريبا 64 ريال سعودي..
*تالت شي: زيت فاتيكا بجوز الهند.. ريحته ماعرف حلوة ولا وحشة هههههههههههه
ماحددت موقفي..
بس مهي سيئة اني وي..
سعره 11 دولار يعني تقريبا 41 ريال..
*رابع شي: اشتريت الغسول من كلين اند كلير.. دا تاني واحد اشتريه.. استعمله كل يوم..
*خامس شي اشتريت المقشر.. لسا ما جربتو لكن متأملة خير فيه..
*سادس شي: اشتريت شامبو نونو.. شفت حجمه مررررا كبير. قلت اشتريه يكفيني لغسيل الفرش فترة طويييلة..
ماتزكر سعره الصراحة.. شوفو حجمه مقارنة بشامبو جونسون للاطفال الصغير..
*سابع شي: اشتريت مزيل المناكير دا.. كان عندي و عجبني مرة فاشتريت 4 منو..
يمكن كان سعره 20 مني متزكرة..
*تامن شي: اشتريت عطر الأنانيا من بودي شوب..
فظيييييييييييييييييع ريحته جمييييييييييلة مرا.. ريحة نظاااافة..
كان سعره ب89 بدون الخصم..
*تاسع شي: اسفنجة التقشير من بودي شوب.. اشتريت اتنين.. بدأت استعمل ووحدة.. ووقعت في الحب.. تنظف من قلب..
سعرها 11 ريال..
*عاشر شي: اشتريت دي.. الصراحة ماعرفت استعملها.. حأسألكم في انستقرام عنها..
سعرها 15 على ما اعتقد..
و أخيراً.. هادي جاتني هدية..
و بس..
اتمنى تكون عجبتكم الأشياء..
اي سؤال تقدرو تسألوني على الإنستقرام..
mbeautilicious@
ليست هناك تعليقات:
إرسال تعليق