ELF Baked Blush- Review!

اليوم حتكلم عن بلشرات الف المضغوطة.. 
Baked elf blushes 

بشكل عام انا ما احب البلشرات كتير.. يعني مو شي اساسي في الميك اب روتين عندي.. 

بس احياناً احط بلشر و أحيانا لأ.. على حسب المود.. قولت اجرب البلشرات الي من الف هادي.. 

فيها ريحة ميك اب عادية.. مافي شي تلاحظيه الا لو قربتي و شميتيها.. 

متوفر اربعة الوان منها.. و انا اشتريتها كلها.. 

الألوان في الموقع مهي زي الألوان في الطبيعة.. بشكل عام هادا شي مشهور في موقع الف.. دايماً الالوان مختلفة..

فأحسن قبل ما تشترو تشوفو سواتشات من النت.. 

الألوان متنوعة و مهي متشابهة.. لكن كان احسن لو فيه تنوع أكتر و الوان اكتر.. 

الألوان واضحة و سهلة في الدمج.. لكن البقمنتيشن اقل من الستوديو بلش العادي من الف.. 

بس تعتبر كويسة.. 

ثباتها مو مرة.. الأفضل انك تحطي كريم بلش قبلهم عشان يثبت معاكي..

و كمان حاجة.. انك تقدري تستعمليها جافة أو رطبة.. مع مويا.. 

الألوان:
1- PASSION PINK
لون بنك فاتح فيه عروق فوشية تقريباً.. افتح من الفوشي و اغمق من لون البلشر بشكل عام..
لون البنك الي فيه بارد.. و فيه شمر.. تعطي لمعة حلوة و صحية على الخدود.. 

 2- PEACHY CHEEKY
لون مشمشي فاتح فيه عروق برونزية.. اللون جداُ فاتح و ممكن تستعمليه كهايلايت اذا كنتي سمرا.. 
فيه شيمر كتير..
بس انا بشرتي بيضا و مو مرة يبان كبلشر..

 3-PINKTASTIC
عششششق هادا اللون..صدفي و فيه عروق بنكية.. 
فيه شيمر بس مو قلتر.. 
هادي تاني حبة اشتريها من هادا البلشر..
استعمله كهايلايت.. يجننن.. ينفع في الصباح و في المساء و كمان في النو ميك اب لوك يبان طبيعييييي 

 4-RICH ROSE
لون بني على احمر و تقريباُ برونزي مع عروق بنكية.. 
اللون دا جمييييييييل بشكل مو طبيعي.. ممكن تحطيه مع برونزر او كنتور او بدون.. 
يعطي جمال للوجه و تحديد للملامح و يبان طبيعي بدون تكلف..
مع انه شكله يخوف الصراحة ههههههههه
بس جمييييييييييييييل مرا..

سواتشات للبلشرات:

*إيجابيات:-

- الكمية كبيرة جداً.. 

- الألوان متنوعة يعني في هايلايت.. بنك.. مشمشي.. برونزي..

- تقدري تشوفي لون البلشر من برا الباكجنق.. من دون ما تتضطري انك تفتحيه.. 

- تقدري تستعمليه جاف و رطب..

-رخيص و جودته عالية..

*سلبيات:-

- التعليب صح شكله جميل.. لكن سهل انو ينكسر.. 

*مكان الشراء:-

من التاجرات في انستقرام او من موقع الف..

*السعر:-

3$ بما يقارب 12 ريال..

*التقييم:-

-التعليب/المظهر: 4 من 5

-الأداء: 5 من 5

-الرائحة: عادية..

-مكان الشراء: 2 من 5

-السعر: 5 من 5

- بشكل عام: 4.8 من 5