Updated Foundation Routine!!- using drugstore products only

السلام عليكم و رحمة الله و بركاته.. 

اليوم ابا اشارككم الفاونديشن روتين حقي.. 

قد نزلت فاونديشن روتين قبل كدا بس في أشياء اتغيرت.. كمان دا الفاونديشن روتين كلو درقستور ( منتجات اسعارها مناسبة )

يلا نبدأ..

اول شي لازم تنظفي بشرتك ..

تستعملي مقشر.. انا احب المقشر الي من كلين اند كلير و سعره حوالي 30 ريال

وممكن تستعملي المقشر الي من بدي شوب و اعتقد سعره في التمانينات.. 

و ممكن تستعملي اكيد اي مقشر مرتاحتلو.. 

تستعملي تونر بعد التقشير و أنا استعمل موية الورد كتونر.. 

و ترطبي بشرتك بعد دا كلو.. و انا استعمل المرطب من نيفيا و سعره تقريبا 15

تستعملي برايمر و البرايمر الي انا استعمله من الف و سعره 6 دولارات يعني تقريبا 24 ريال..

و فاونديشن او بيبي كريم من قارنييه و سعره 30 تقريباً..

و احط كونسيلر من هاردكاندي اسمو قلاماوفلاج و ممكن تستعملي كونسيلر الف كلهم نفس النتيجة تقريباً.. 

بعدين تثبتيه ببخاخ تثبيت الميك اب..

تستعملي كريم بلشر و الي عندي من نيكس و سعره في الاربعينات..

و تستعملي بلشر بودرة عشان تثبتي الكريم و الي عندي من مكياجي و سعره في العشرينات.. 

تستعملي هايلايت و الي عندي من الف و سعره 3 دولار يعني 12 ريال تقريباً.. 

و تثبتيه بهايلايت بودرة ممكن تستعملي الي من اتش اند ام و سعره 30 و ممكن تستعملي الي من الف و سعره 3 دولار يعني 12 ريال تقريبا.. واكيد ممكن تستعملي اي هايلايت انتي مرتاحتلو..

تستعملي برونزر و دا شي اختياري اكيد..

من افضل البرونزرز هيا الي من اتش اند ام.. 

الكبير  بحوالي 40 والصغير ب30

اثبت كونسيلر تحت العين بكونسيلر منيرال من الف و سعره 5 دولار تقريباً 20 ريال..

و اثبت باقي الوجه ببودرة ريمل ستاي مات.. و سعرها 30 ريال..

اتمنيت اني احطلكم الفرش الي استعملها بس نسيت اصورها.. 

ان شاءالله راح اتكلم عنها في بوست حق الفرش المفضلة.. 

و بس:)