السلام عليكم و رحمة الله و بركاته..
اليوم حوريكم بعض الاشياء الي استخدمتها بكثرة في شهر جون و هيا مفضلاتي..
احب اني اقرا دا النوع من التدوينات..
فيلا نبدأ..
- Tone Correcting Powder from elf
هيا عبارة عن بودرة ناااعمة مكونة من 4 الوان بهدف تصحيح الدسكلوريشن الي عالوجه..
احبها لتثبيت الفاونديشن او الكونسيلر..
-Elf Lipsticks
ارواج الف الي في الدولار لاين..
هيا شير-شفافة- و الوانها طبيعية.. فسرت استعملها ككريم بلش.. و مرة حبيتها لدا الإستخدام..
-H&M lip tint
صبغة الشفايف من اتش اند ام.. في البداية ماعرفتلها كويس..
بس بعدين سرت استخدمها كتيير.. و تعتبر من الوان الصيف الجميلة..
وممكن تستعمل كبلشر.. و استعملتها كم مرة كبلشر و عجبتني...
-روج من مكياجي
اسمه برازيليان سالسا.. لون نوود 100% استخدمه مع الوان تانية عشان اخليها طبيعية اكتر..
و تركيبته ماااات..
- Maybeline the colossal mascara and the Bourjois Volumizer mascara
دول افضل مسكرتين عندي.. ما استعمل غيرهم..
كل ما احطهم سوا يسألوني ازا حاطة رموش اصطناعية..
-Elf Baked Blushes
من مفضلاتي القديمة.. احبهم من اكتر من سنتين..
و اكتشفت دا الشهر افضل طريقة لإستخدامهم..
بفرشة ريل تكنيك "Buffing Brush" تعطيكي احسن نتيجة معاهم..
-Max Factor Lasting Performance Foundation
من افضل الفاونديشنز الي جربتهم.. وانا مرا صعبة مع الفاونديشن مو اي شي يعجبني..
تعطي لوك نضيف و مخملي و تغطي تغطية جميييييييييلة..
-Elf Baked shadow in "toasted"s
اعشششششششششق شادوهات الف البيكد.. و دا من المفضلين عندي..
لانه جدا طبيعي لكن يعطي لوك جميييل..
-Elf shadow in "dusk"s
حبيت دا اللون لانه مو اسود اسود.. اسود فاتح يعتبر..
حبيته عشان استعمله لتمويه الايلاينر.. افضل و اسهل من الأسود..
-Bath&Body works Body Cream
يمكن دا اكتر منتج عجبني دا الشهر و خلصته بسررررررررررررعة..
عادتي ما احب احساس الكريمات على جسمي.. بس دا خطير..
يعطيكي ترطيب جميل جداً.. و تمتصه البشرة بسهولة..
ان شاءالله حاشتري منه تاني في اقرب فرصة..
و بس:*
ليست هناك تعليقات:
إرسال تعليق