Pro Long Wearing Your Lip Color!

السلام عليكم و رحمة الله و بركاته..

اليوم أبا أقلكم عن سر من اسراري في الميك أب.. و هوا كيف تخلي الروج ثاااابت ما يتحرك...

و باستعمال منتجات متوفرة غالبا.. دحين ممكن تكون عندكم منتجات شبيهة بالي عندي و ان شاء الله حتزبط معاكم..

اول شي رطبي شفايفك.. أزا كنتي بتستعملي المرطب الي من اي او آس او شبيه له ممكن ما تمسحيه

..لكن أزا كنتي بتستعملي مرطب عميق استعملي المنديل عشان تخففيه شوية و مايزحلق الأشياء الي حتنحط فوقو..

انا استعملت لب برايمر.. في منو في الف و نيكس و ماك و بي اتش كوزمتكس..

بعد كدا حددي شفايفك كاملة و عبي التحديد.. يعني لا تسيبي اي مكان فاضي..

وجيبي منديل و فكي الطبقتين.. خدي طبقة وحدة من المنديل و ثبتيها على شفايفك و استعملي بودرة الوجه العادية باستعمال فرشة بودرة او بلشر فوق المحدد.. يعني حيكون الفاصل بين الشفايف و البودرة هوا المنديل.. 

بعد كدا استعملي "Lip Stain" 

الي هوا اللون الي يصبغ شفايفك.. مو يصبغها بس هوا ثابت لفترة طويلة.. و الي عندي من اتش اند ام 

في لب ستينز من ريفيون مشهورة و تفي بالغرض.. 

الغرض من دي الخطوة انك بتحطي بيس او أساس للروج.. يعني لو روجك بدا يختفي مع الأكل او الشرب او اي شي دا حيكون تحتو و ما حيبين.. 

و نسوي نفس حركة المنديل و البودرة بعد دي الخطوة..

بعد كدا نستعمل الروج بشكل طبيعي و نسوي حركة المنديل و البودرة..

و بس ان شاءالله تكونو استفدتو..