من كم يوم طلبت طلبية و الحمدلله وصلت D:
و صراحة مرا متحمسة على الاشياء و مبسوطة بكل حاجة جاتني تقريبا مافي شي ما عجبني..
طبعا ما اقدر اقلكم رأيي الأخير لأني لسا ما جربتهم كفاية..
ماشاءالله تبارك الله..
يلا نبدأ؟
اول حاجة مشترياتي من ماركة " الف " ..
زي ماتعرفو عشقي هادي الماركة..
ان شاءالله ازا وصلت لعدد معين من المتابعين و المشاهدات اوريكم الكولكشن الكامل الي عندي من إلف..
و يلا..
-إضاءات..
الي عاليسار كان عندي منها و انكسرت.. عشان كدا اشتريت وحدة تانية..
حسيت انها تشبه سندي لو من ذا بالم.. انو نفس الفكرة يعني..
و بالنسبة لجودتها مااحتاج اتكلم.. دايما اوصفلكم قد ايش يجننوا..
الي عاليمين فاتحة مرا.. جيا على ابيض.. فكرتني بماري لو من ذا بالم..
الي في النص كان عندي زيو " اضاءة " و اشتريت وحدة تانية باك اب..
الي عاليمين و اليسار هيا اللونين الوحيدة الي كانو ناقصين من البلشرات و اشتريتهم..
من دحين عارفة اني حاستهلكهم كتير ههههههه
هادي الواني المفضلة في البلشرات.. في الفترة الحالية ما اميل للألوان الفاتحة و البنكيات..
باليتين من البيكد ايشادوز " المطبوخة\المخبوزة\المضغوطة "
كان عندي واحد و عجبني مرا فاشتريت الإتنين دول..
و كمان البيكد ايشادو الي تجي لحالها اعشقها..
وتقريبا هادي نفس الجودة..
كان عندي منها و اشتريت هادي باك اب..
- ايشادو باليت على شكل كتاب..
عجبتني الفكرة فاشتريته..
ماعندي اي رأي او انطباع عنه لسا..
الإتنين الي عاليمين كان عندي منهم النسخة الأولى و عجبتني مرا فأشتريت اللونين الباقية..
و الكريمي عندي واحد وقربت اخلصه عشان كدا اشتريت واحد تاني
حسيت شكله ينفع يعطي برونز خفيف على كامل الوجه..
بس لسا ماجربت..
كان عندي واحد و اشتريت 2 باك اب (باين اني اعشق اشتري باك اب هههههه)
قلت استعمله مع القلتر و البقمنتس و كدا..
بس شكله ينفع حتى للايشادو..
الصراحة ماقد جربته بس اشتريت اتنين احتياط..
سمعت كتيييير اتكلموا عنها قلت لازم اجربها..
-القلم مزيل الميك اب
ينفع للايلاينر و المسكرا لما تبقع عالجفن..
-مينرال برايمر
برضو سمعت كلام كتير عنو فقولت اجربه..
كان عندي منه واحد و شوفو كيف سار هههههههههههه
من زمااااااان نفسي اشتريهم بس ماعرف ماجات الفرصة..
انا اعشق شي اسمه بقمنت فشوفت سواتشز لدي ومرا عجبتني فعشان كدا طلبت 11 وحدة
و من دحين باين اني حاستعملهم كتير..
--------------------------------------------------------------------------------------------
الفرش
-اشتريت فرش Kabuki من موقع و جربتهم مرتين و باين اني حاستعملهم كتيييييييير..
مرا عجبوني الصراحة..
- وبعدين اشتريت فرشتين من الف باك اب..
--------------------------------------------------------------------------------------------
-مايبيلين
اشتريت درجة غامقة عشان اخلطهم مع الفاونديشنز الي عندي ازا كنت عاملة تان..
او اعمل بيه كونتور.. بصراحة مرا عجبني و ان شاءالله لازم اشتري درجتي منه..
- مسكرة ذا روكيت..
كإنطباع أول عجبتني تطول و تكثف و سوادها قوي.. بس حسيتها تجمع الرموش شوية..
ماعرف يمكن اكون غلط بس بأستعملها حاليا و عاجبتني..
-فت مي فاونديشن ستك..
اشتريته عشان الكونتور بس للأسف الدرجة مهي غامقة كفاية..
الصراحة انقهرت.. بس باين انو كويس لانه يندمج بسهولة و يبان طبيعي..
------------------------------------------------------------------------
-برونزر من ان واي سي..
سمعت عنه مدح مو طبيعي في اليوتيوب من الاجانب..
وانه بديل لبرونزر هولا من بنفت..
فقولت لازم اجربه..
و بس..
هادي كانت مشترياتي..
ازا حابين تشوفو ريفيو عن منتج معين اكتبولي في انستقرام تحت الصورة الي حأنزلها عن التدوينة دي..
ليست هناك تعليقات:
إرسال تعليق