My Favorite Elf Products! p2

تكملة لمنتجاتي المفضلة من ماركة " الف "..

6-Elf Smudge Pots
ايشادوز كريمية.. تنفع كبيس للآيشادو, ايلاينر, و زي كدا..
ثابتة بشكل خيالي جداً.. الوانها جداً منوعة.. بس لو حابين تشتروها افضل انكم تشترو الألوان الغامقة لأنها كريمية اكتر.. اللون الابيض جاف شوية.. عالعموم انا سويت ريفيو عنها ازا حابين تشوفوه اضغطو هنا.. 

7-Elf Long Lasting Lustrous Eyeshadow
ايشادو كريمية.. لكن في نظري عبارة عن قلتر مخلوط في ايشادو كريمي.. يعني اكترو قلتر..
جدا جدا جميل عالعين.. يعطي لوك مختلف و مميز و تقدري تستعمليها بطرق كتييييرة..
و هي بديل جدا قريب لايشادوهات شانيل الكريمية.. ماعرف اسمها لكن شفت خبير التجميل وين قوس عاليوتيوب قارن بينهم..

8- Elf Brow Kit

مجموعة الحواجب من الف.. عشقي الأبديييي.. و اعتقد باين قد ايش احبهم في الصورة هههههه

لون ميديم ناسبني جداً.. البودرة ممكن تستعمليها عالحواجب او كآيشادو او ككونتور!

و الواكس تستعمليه للحواجب ثابت لأبعد الحدود.. ممكن يقعد يوم كامل بدون ما يتحرك او يسير له اي شي.. 

8-Lipglosses

قبل ما ابدأ اتكلم حابة اقول انو عندي من كل لون حبتين ههههههه

ريحتهم فظيييييييييييييييييعه! تجننننن!! ريحة فانيليا.. الوانهم حلوة مرا.. هوا يعتبر قلوس لكن لونه قوي و ممكن تستعمليه لحالو او فوق كونسيلر.. " على شفايفك طبعا ههههه "

( صورة القلوس الي لحالو هادا لوني المفضضضضضضضل من اللاين )

9-Eyebrow Treat and Tame

مسكرة الحواجب.. كتير بنات اتكلمو عنها في اليوتيوب و انستقرام.. و بالذات الخليجيات يعشقوها.. 

كتير بنات يحبو يفتحو حواجبهم بيها و زي كدا.. 

بالنسبة ليا استعمل اللون الفاتح في بداية الحاجب و اللون الغامق من نص الحاجب للآخر.. طبعا عارفة انه اللونين بعيدة عن بعض لكن انا ادمجهم بطريقتي و يبان جدا ناعم و طبيعي ..

بصراحة الجهة التانية ما استعملها..

10-Eye Brightening Eyeliners

من افضضضل الآيلاينرز الي عندي في الكولكشن.. جداً كريمية و ثابتة و الوانها حلوة و تنفع لجوة العين و ما تختفي.. 

اللون الأسود عشششق.. مو من عادتي استعمل اللون الأسود كآيلاينر كتير.. لكن الأسود دا أسرني الصراحة.. 

و بس.. 

نكمل في البوست الجي :)