My Favorite Elf Products! p2

السلام عليكم.. 

اليوم البوست حيكون عن مفضلاتي من الف ELF

و هيا ماركة امريكية متوفرة اونلاين.. و بعض التاجرات يوفروها..

اسعارها معقولة و جودتها عالية..

طبعا الاسعار مهما كان مستحيل تشترو المنتجات و تجيبوها السعودية بسعرها الاصليي.. لازم زيادة الشحن.. 

فلازم تحطو دا الشي في بالكم.. 

انا انسانة جداً احب هادي الماركة و مرتاحة على كتير من منتجاتها.. 

و تقريبا جربت كل شي منها ههههههههههه..

فحبيت اشارككم مفضلاتي من هادي الماركة..

و بما انها 19 منتج فحاقسمها على اقسام.. و ان شاءالله نهاية البوست حاجاوب على بعض الاسئلة الي جاتني في انستقرام بخصوص هادي الماركة.. طبعا المنتجات حاحطها عشوائيا و مو بمقدار حبي لها..

يلا نبدأ..

1- Cool Bronzer
برونزر الاندرتون تبعه بارد.. و فيه 4 الوان.. تقدري تستعمليها كلها.. او تخصصي اللون الي تبغيه بنفسك.. جميل جداً للكنتور لان الاندرتون بارد.. وينفع للبشرات الفاتحة جداً الى المتوسطة..

2-High Definition Powder

بودرة اتش دي شفافة.. تغطيتها مخملية و فيها ملمس سليكون.. تثبت الفاونديشن والكونسيلر بشكل جميل..

3-Studio Blushes

بلشرات من الف صح شوية باودري لكن الوانها جميلة و ثباتها معقول..

4-Elf Baked Blushes

بلشرات"مطبوخة" من الف.. فيها لمعة جميلة.. و الوانها حلوة.. سويت ريفيو عنها.. 

اضغطو هنا عشان تشوفو الريفيو..

5-Elf Maximum Coverage Concealer

كونسيلر تغطيته عااااالية و ثابت و لونه مية مية.. منجد من احلى الكونسيلرز الي جربتها في حياتي..

حاشتري منها 2 باك اب..

و بس.. 

نكمل في البوستات الجيا..