السلام عليكم و رحمة الله و بركاته..
اليوم أبا أتكلم عن باليت نيكد ٢ من اربن ديكاي..
طبعا سلسلة باليتات نيكد انتشرت بشكل كبير عند الغرب و هنا كمان..
فكتير من البنات ممكن تشتريها و هيا مهي عارفتلها.. بس تشتريها عشان سمعتها..
لكن باليتات نيكد مهي مناسبة لزوق كل شخص في الدنيا.. صح بالنسبة للالوان ترابية و تناسب الجميييع..
لكن الفنش تبع كل شدو ممكن يغير رايك في المنتج..
اول شي شكل عام الباليت دا عشقي.. كل ما استعمله اكتر كل ما احبه اكتر.. و بالنسبالي مني ملتزمة بنوع واحد او فنش واحد من الشادوهات فالباليت "بيرفيكت" بالنسبالي..
الالوان جدا واضحة و قوية من اول سواتش.. و ازا حابة تشوفيها من قبل مل تشتريها ممكن تجربيها في سيفورا ساروا يبيعوها..
الالوان ثابتة و ما تتحرك من مكانها و سهلة جدا في الدمج.. تصلح للمبتدئات لان الوانها ترابية فمهما سوت حتفضل في "the safe side of makeup"..
نبدا في الالوان و تفاصيها من اليسار لليمين..
*BLACKOUT
لون اسود فاحم و هوا باجماع الميك اب ارتستس عالميا من افضل و اقوى الشادوهات السودا في سوق الميك اب..
و دا شي جدا ايجابي للميك اب ارتستس.. لكن ممكن يكون سلبي للمبتدئات عشان محا تقدر تسيطر عليه زي الشادوهات السودا العادية..
و الفنش حقو (مات)مطفي
*BUSTED
لون بني غامق و فيه اندرتون رمادي.. جدا جميل لتغميق كسرة العين و سهل الدمج.. ممكن تستعمليه كلون جفن كامل و ممكن في الكريس (كسرة العين) ممكن تستغني عن الاسود و تستعمليه ازا كنتي مبتدءة..
و الفنش حقو ساتن
*YDK
و هوا يمكن افضل لون عندي في الباليت.. لونه روز قولد يعني روزي على برونزي على دهبي.. فيه قلتر دهبية..
اسهل وصف عندي للشادو دا انه كانه بقمنت من ماك مصغوط..
و الفنش حقو ميتاليك
*VERVE
لون فضي جميل مو الفضي الفاقع.. يعني سهل جدا انك تشتغلي بيه..
و الفنش حقو شيمري
*PISTOL
لون رمادي فيه شيمر صغيرة دهبية.. يطلع جميل جدا مع الفضي..
و الفنش حقو شيمري
*SUSPECT
و دا اللون الوحيد الي ما استخدمته في الباليت زي باقي الالوان..
هوا تقريبا زي لون بشرتي بس اغمق شوية مع شيمر..
الان و انا باطالع فيه احس حيكون جميل جدا للنو ميك اب ميك اب.. لكن صراحة اللون نا يجذبني زي باقي الالوان..
الفنش تبعه شيمري..
*SNAKEBITE
بني متوسط مع شيمر واضحة ذهبية.. حلو مرا على كامل الجفن او حتى في الكريس (كسرة العين) بس لو حطو بداله بني مات مطفي حيكون افضل بكتير.. لان احيانا يكون الشيمر الي فيه توو متش لكسرة العين و المتعارف عليه في كسرة العين يكون لون مات..
و الفنش حقو شيمري..
*TEASE
و هوا برضو من افضل الشادوهات عندي في الباليت..
مااات.. افضل شي لكسرة العين و كم مرة استعملته لكنتور الوجه..
جدا جدا طبيعي.. و وصفه انه بني فاتح مع رمادي مع شووووووية موف.. حتى مايبان الموف فيه بس يميل للموف الطبيعي..
*CHOPPER
جمييييل اللون دا.. لون برونزي على دهبي فيه قلتر وااااضحة و تقريبا نفس فكرة YDK
كانه برسد بقمنت من ماك..
و الفنش حقه اكيد قلتري/ميتاليك..
*BOOTYCALL
لون صدفي على بينكي جدا ناعم و طبيعي فيه لنعة بس ما تبين الشيمر ممكن تستعمليه كاضاءة في مدمع العين او في عضمة الحواجب او حتى فوق الخدود..
*HALF BAKED
اقوى دهبي شفته في حياتي.. لون بيسد على الدهبي و فيه شيمر دهبية و قلتر كمان دهبية..
كانه بيقمنت مصغوط من ماك برضو..
الفنش حقو ميتاليك..
*FOXY
لون كريمي مات.. يستخدم كاضاءة غالبا على عضمة الحاجب بس انا ما احب استعمله كدا لانه تقريبا نفس لوني..
ممكن احطه على الجفن و ارسم ايلاينر اسود و يطلع جميل..
الفنش مطفي مات..
و بس..
الباليت يميل للاندرتون البارد.. مع اني كتير افضل الاندرتون الدافئ لكن دا الباليت غيييييير..
تقييمي له ١٠/١٠
ليست هناك تعليقات:
إرسال تعليق